Таърихи китобхона

Китобхонаи давлатии кӯдакона ба номи Мирсаид Миршакар.

Китобхонаи кӯдакона дар ду толори ошёнаи сеюми китобхонаи марказии шаҳри Душанбе бо фармони Вазири Фарҳанги Ҷумҳурии Тоҷикистон 23 январи соли 1974 таъсис дода шуда буд, баъдан 27 сентябри соли 1974 лентаи рамзии кушодашавии китобхонаро шоири маҳбуби бачагон Мирсаид Миршакар бурид ва хонандагонро ба китобхона даъват намуд. 
Солҳои аввал захирааш аз ҳисоби давлат ва шоиру нависандагони Тоҷикистон пурра мешуд. Масалан аввалин бор шоири маҳбуби бачагон шодравон Мирсаид Миршакар ба китобхона 289 нусха китоб туҳфа намуда буд.
Китобхона дорои 3-шӯъба мебошад.
1. Шӯъбаи такмил ва баррасии адабиёт.
2. Шӯъбаи хадамот.
3. Шӯъбаи илмию-методӣ ва маълумотдиҳию-библиографӣ.
Ҳоло бошад захираи китобии китобхонаро 105238 нусха китоб фаро гирифтааст, дар китобхона 27 нафар корманд соле ба 4500 хонанда хидмат мерасонанд.
Тамоми захираи китоби китобхона дар маҷмуи феҳристу парвандаҳо (картотека) сабт шудааст.
Китобхонаи мазкур бо тарбияи кудакону наврасон машғул аст. Дар ин муддати тулони бисёр корҳои тарғиботию таблиғоти гузаронида, ҳазорон хонандаро бо хидмати судманд ноил гардондааст. Аксарияти чорабиниҳои гузаронида шуда ба адабиёти бачагона марбутанд.